爸，好心您反省下啦 ... 襯晒 Leo 哥哥啦 ...
我要留言
加入我的最愛
回上頁
爸爸 ... 雲雲媽媽同我視您係朋友先會咁話您 ... 呢啲係您嘅福氣 ... 之不過 ... 觀乎您今日咁嘅態度 ... 我對您好失望，亦唔會再視您為朋友 ...
正確來講 ... 由今日﹝2006年1月9日﹞開始 ... 您不過係我嘅一個工作上嘅伙伴，喺非辦公時間就不過係公司國內辦事處嘅一位同事 ...
這些都係您咎由自取，唔好同我講「sorry」，恕不受理 ... 正所謂「自作孽，不可活」，自己做嘅事就由自己來承擔啦 ...
之前好心平氣和同您講雲雲媽媽同我嘅不滿，但就只係得到您俾我地「我知，我知，嘻~嘻」又或者「我好忙呀，我攪緊我間小店」咁的回應 ...
I'm sorry，我對呢啲只識得嬉皮笑臉而唔識得反省又或者眼內只有錢而冇朋友嘅人好反感 ... 一而再咁嬉皮笑臉同一而再咁漠視朋友感受都只會令我覺得您愈來愈似篤屎 ... 完全可以唔理 ... 冇藥可救 ...
之前好心亦好隱晦咁同您講話我覺得您做人處事上好有問題 ... 完全唔理，仲反問我係咩問題 ... 同得您講就係想您自己用下腦，但原來您冇，好可憐，好可悲 ...
不過 ... 我做人就好清清楚楚嘅，家下我係極唔滿意您就唔係唔滿意婉晴妹妹，同妹妹冇關 ... 咁即係話係將來嘅日子我只會送嘢過來俾妹妹，您就唔會再有份 ... 我知您唔會再希罕，因為您依家係一個日理萬機嘅網上小店店主嘛 ...
您唔希罕還唔希罕 ... 我下次上來就會向您攞返我個幾千蚊人民幣又或者會託雲雲媽媽代收兼保管 ... 之前係諗住既然久唔久會上來玩就 keep 係您度唔好下下拎來拎去，同埋等您有啲備用金可以用係妹妹身上 ... 但現在嘅您已唔再值得我去待您好 ...
Leo 哥哥 day off ...
不過我就威威啦 ... 做預報冇寫「上一個停泊港口」...
唔，好有 Leo 哥哥嘅風範，同一 style，好鬼襯 ...
小 KK 妹 ...
您要乖乖唔好扭計先得 ... 個啲針同喉係有用，唔好見條就拔啊 ...
您想早返屋企啲玩玩就要乖乖啊 ... 唔係下次您來就唔俾糖糖您食啊！
所有的日記