唔知大家有冇睇過泰國電影《鬼影》，如果有睇過的話，一定知道用攝影機影到鬼影，其實絕對唔係無可能。事實上，網上流傳不少鬼照片，當中的鬼在照片的不同角度出現，可謂無處不在，唔想不速之客同你一齊留倩影，就要留心記住有咩地方唔可以影喇！

好多鬼相喺拍攝嘅時候，人完全不為意，當睇到相片嘅一刻，真係嚇到命都冇。原來經玄學家嘅分析，有幾個地方係絕對唔應該影相嘅，因為一個唔小心，好易惹鬼纏身。

熟睡影相被勾魂
好多人都鍾意影低其他人嘅睡姿，然後作為取笑材料，但玩還玩，最好唔好幫佢哋影相，因為咁樣好可能會將佢嘅靈魂攝入鏡頭之內，永遠都醒唔番。就算醒番，亦有可能係畀其他遊魂野鬼佔據咗佢哋嘅身體，所以相真係唔可以亂影，否則後悔莫及。

旅遊取景要小心
唔少人去旅行，都鍾意喺山洞前影番張靚相留念，但其實去旅行千祈唔好喺山洞前影相，因為山洞往往係通往另一個世界嘅接駁點，特別多鬼魂來往，一個唔小心畀佢跟住走就大件事。

另外，最近亦多咗好多人返內地旅行，包括蒙古、青海等地，嗰 度有好多屋都保留古色古香嘅 設計，有一條樓梯喺屋外。好多人都會影番張相留念，但記緊唔好隨便坐喺呢間 小屋嘅樓梯，因為梯間隨時有嘢等住你，如果將靈魂攝入相機之中，帶埋返香港，咁就手尾長囉！

陰氣重易招魂
長走廊長期不見光，陰氣自然重，鬼魂最喜歡聚集於陰氣重的地方，而放過屍體的地方，則有怨氣，呢兩個地方都唔應該立亂影相，以避免令鬼魂以為你有心騷擾佢地嘅生活。

至於爛屋喺A字形屋頂下，原來有啲心願未了或者死後仍處於等待階段嘅遊魂野鬼，鍾意依附係破爛嘅A字形屋頂等待，於該處影相會令佢地以為你有心騷擾，破壞佢地嘅平淡生活。

電梯與咪亂影
依家數碼相機大行其道，就連電話都有相機功能，所以大家無時無刻都可以影到相。不少後生仔更鍾意行到邊影到邊，係電梯內一樣照影，其實電梯內的天花，係死後靈魂最鍾意匿藏既地方，如果唔信，大可係電梯內影番張相睇。

而扶手電梯，更加係搵替身嘅好地方。不少商場都會設計好長嘅扶手電梯，行上去已經有多少驚心動魄，原來長嘅扶手電梯都會有等待替身嘅鬼魂遊蕩，鬼魂目的係希望設法將人推落電梯，等枉死者成為佢嘅替身，如果唔信，可以去旺角某商場影番張相，睇吓會見到啲咩。

廁所潮濕鬼魂聚

廁所屬於潮濕陰冷之地，最容易招聚鬼魂。有唔少男人都鍾意邊如廁、邊抽，本來廁所見到有霧，絕對唔係奇事，但如果你一個嚴禁吸廁所，突然見到一大陣霧升起，正正就係鬼魂闖入人間先兆，如果你想影鬼相，呢個係千載難逢機會。

至於女廁則因為多鏡，而靈體最喜歡匿藏於鏡內，所以絕對唔可以亂。而且因為男人不可以入內，女廁可謂完全冇陽氣，所以女廁鏡往往會出現令人意想不到、亦唔想見到。

地牢陰暗鬼鍾意
香港較少地方有地牢，但係去旅行就大把機會去地牢觀光，但大家記住千萬唔好地牢北面影相，因為所謂北風，其實又名陰風，一般鬼魂都愛於北面集合。而且又暗又黑地方，自不然多鬼，想影到鬼相，別無其他選擇。

而酒庫亦多建於地牢，因為唔會照到陽光，方便控制溫度貯酒，所以有不少醉酒鬼都鍾意流連酒庫。呢班鬼經常神志不清，特別鍾意作弄人，所以酒庫影相，係極之容易影到鬼！

魚類屍體邪氣重
不少鯨魚、大章魚等，死後都會被沖上沙灘，有唔識死朋友會走埋去影番張相，以作紀念。但係原來鬼魂發火時候就會殺生，所以呢鯨魚同章魚極有可能係死鬼魂之手，所以見到大型魚類屍體，應立即走開，以免沾到陰氣。

睇完以上咁多個唔可以影相地方，大家一定要小心留意，以免影相影出禍就唔好啦！不過若然你係專登要影鬼相又另當別論